Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. vivendum recte cum propter plurima tum est his[*](tum est his. So Housman instead of the tunc est of PA.)
  2. idcirco ut possis linguam contemnere servi.[*](After 9.118 PA; after 9.123 Ψ.)
  3. praecipue causis, ut linguas mancipiorum
  4. contemnas, nam lingua mali pars pessima servi;
  5. deterior tamen hic qui liber non erit illis,
  6. quorum animas et farre suo custodit et aere.
  7. ‘Utile consilium modo, sed commune, dedisti,
  8. nunc mihi quid suades post damnum temporis et spes
  9. deceptas? festinat enim decurrere velox
  10. flosculus angustae miseraeque brevissima vitae
  11. portio; dum bibimus, dum serta unguenta puellas
  12. poscimus, obrepit non intellecta senectus.’
  13. Ne trepida, numquam pathicus tibi derit amicus
  14. stantibus et salvis his collibus: undique ad illos
  15. convenient et carpentis et navibus omnes
  16. qui digito scalpunt uno caput, altera maior
  17. spes superest; tu tantum erucis inprime dentem.
  18. gratus eris; tu tantum erucis inprime dentem.[*](Ψ omits. After line 134, P has this line, being mainly a repetition of that line. Housman conjectures an omission of five words, and reads the lines thus: altera maior spes superest; turbae, properat quae crescere, molli gratus eris, tu tantum erucis imprime dentom.)
  19. ‘Haec exempla para felicibus, at mea Clotho
  20. et Lachesis gaudent, si pascitur inguine venter,