Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. aspicere et qualis Rutulum confundat Erinys.
  2. nam si Vergilio puer et tolerabile desset
  3. hospitium, caderent omnes a crinibus hydri,
  4. surda nihil gemeret grave bucina: poscimus ut sit
  5. non minor antiquo Rubrenus Lappa cothurno,
  6. cuius et alveolos et laenam pignerat Atreus?
  7. non habet infelix Numitor quod mittat amico:
  8. Quintillae quod donet habet, nec defuit illi
  9. unde emeret multa pascendum carne leonem
  10. iam domitum; constat leviori belua sumptu
  11. nimirum et capiunt plus intestina poetae.
  12. Contentus fama iaceat Lucanus in hortis
  13. marmoreis, et Serrano tenuique Saleio
  14. gloria quantalibet quid erit, si gloria tantum est?
  15. curritur ad vocem iucundam et carmen amicae
  16. Thebaidos, laetam cum fecit Statius urbem
  17. promisitque diem: tanta dulcedine captos
  18. adficit ille animos tantaque libidine volgi
  19. auditur; sed cum fregit subsellia versu,
  20. esurit, intactam Paridi nisi vendit Agauen.