Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. et quae iam veteres sanant mortaria caecos.
  2. Ergo sibi dabit ipse rudem, si nostra movebunt
  3. consilia, et vitae diversum iter ingredietur
  4. ad pugnam qui rhetorica descendit ab umbra,
  5. summula ne pereat qua vilis tessera venit
  6. frumenti; quippe haec merces lautissima. tempta
  7. Chrysogonus quanti doceat vel Polio quanti
  8. lautorum pueros: artem scindes[*](scindens PΨ: scindes conj. Iahn, confirmed by Voss.) Theodori
  9. Balnea sescentis et pluris porticus in qua
  10. gestetur dominus quotiens pluit—anne serenum
  11. expectet spargatve luto iumenta recenti?
  12. hic potius, namque hic mundae nitet ungula mulae.
  13. parte alia longis Numidarum fulta columnis
  14. surgat et algentem rapiat cenatio solem,
  15. qualiacumque domus, veniet qui fercula docte
  16. conponat[*](componit GT. P and most MSS. have componat. See Housman, Journal of Phil. No. 67, p. 41.), veniet qui pulmentaria condit[*](P has condit: LOU condat: condiat Lachmann.).
  17. hos inter sumptus sestertia Quintiliano,
  18. ut multum, duo sufficient; res nulla minoris
  19. constabit patri quam filius. unde igitur tot
  20. Quintilianus habet saltus? exempla novorum