Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. tantum animas, nobis animum quoque, mutnus ut nos
  2. adfectus petere auxilium et praestare iuberet,
  3. dispersos trahere in populum, migrare vetusto
  4. de nemore et proavis habitatas linquere silvas,
  5. aedificare domos, laribus coniungere nostris
  6. tectum aliud, tutos vicino limine[*](limineΨ: limite PA.) somnos
  7. ut collata daret fiducia, protegere armis
  8. lapsum aut ingenti nutantem vulnere civem,
  9. communi dare signa tuba, defendier isdem
  10. turribus atque una portarum clave teneri.
  11. Sed iam serpentum maior concordia, parcit
  12. cognatis maculis similis fera; quando leoni
  13. fortior eripuit vitam leo? quo nemore umquam
  14. expiravit aper maioris dentibus apri?
  15. Indica tigris agit rabida cum tigride pacem
  16. perpetuam, saevis inter se convenit ursis.
  17. ast homini ferrum letale incude nefanda
  18. produxisse parum est, cum rastra et sarcula tantum
  19. adsueti coquere et martis ac vomere lassi
  20. nescierint primi gladios extendere fabri,