Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. curriculo, quem si revoces, subsistere nescit
  2. et te contempto rapitur metisque relictis.
  3. nemo satis credit tantum delinquere quantum
  4. permittas: adeo indulgent sibi latius ipsi.
  5. Cum dicis iuveni stultum qui donet amico,
  6. qui paupertatem levet attollatque propinqui,
  7. et spoliare doces et circumscribere et omni
  8. crimine divitias adquirere; quarum amor in te
  9. quantus erat patriae Deciorum in pectore, quantum
  10. dilexit Thebas, si Graecia vera, Menoeceus,
  11. in quorum sulcis legiones dentibus anguis
  12. cum clipeis nascuntur et horrida bella capessunt
  13. continuo, tamquam et tubicen surrexerit una.
  14. ergo ignem, cuius scintillas ipse dedisti,
  15. flagrantem late et rapientem cuncta videbis.
  16. nec tibi parcetur misero, trepidumque magistrum
  17. in cavea magno fremitu leo tollet alumnus,
  18. nota mathematicis genesis tua, sed grave tardas
  19. expectare colus; morieris stamine nondum
  20. abrupto, iam nunc obstas et vota moraris,