Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. filaque sectivi numerata includere porri.
  2. invitatus ad haec aliquis de ponte negabit[*](negabitΨ: negavit PS: negabat O.).
  3. sed quo divitias haec per tormenta coactas,
  4. cum furor baut dubius, cum sit manifesta phrenesis,
  5. ut locuples moriaris, egentis vivere fato?
  6. interea pleno cum turget sacculus ore,
  7. crescit[*](crevit P: other MSS crescit.) amor nummi quantum ipsa pecunia crevit,
  8. et minus hanc optat qui non habet, ergo paratur
  9. altera villa tibi, cum rus non sufficit unum,
  10. et proferre libet fines maiorque videtur
  11. et melior vicina seges, mercaris et hanc et
  12. arbusta et densa montem qui canet oliva
  13. quorum si pretio dominus non vincitur ullo,
  14. nocte boves macri lassoque famelica collo
  15. iumenta ad virides huius mittentur aristas,
  16. nec prius inde domum quam tota novalia saevos
  17. in ventres abeant, ut credas falcibus actum.
  18. dicere vix possis quam multi talia plorent
  19. et quot venales iniuria fecerit agros
  20. Sed qui sermones, quam foedae[*](foedaeΨ: foede PG.) bucina famae!