Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. Pygmaeus parvis currit bellator in armis,
  2. mox inpar hosti raptusque per aera curvis
  3. unguibus a saeva fertur grue. si videas hoc
  4. gentibus in nostris, risu quatiare; sed illic,
  5. quamquam eadem adsidue spectentur proelia, ridet
  6. nemo, ubi tota cohors pede non est altior uno.
  7. ‘Nullane peiuri capitis fraudisque nefandae
  8. poena erit?’ abreptum crede hunc graviore catena
  9. protinus et nostro (quid plus velit ira?) necari
  10. arbitrio: manet illa tamen iactura, nec umquam
  11. depositum tibi sospes erit, sed corpore t runco
  12. invidiosa dabit minimus[*](minimus PΨ: Housman conj. solum.) solacia sanguis.
  13. at vindicta bonum vita iucundius ipsa.
  14. nempe hoc indocti, quorum praecordia nullis