Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. confer et artifices mercatoremque veneni,
  2. et deducendum corio bovis in mare, cum quo
  3. clauditur adversis innoxia simia fatis,
  4. haec quota pars scelerum, quae custos Gallicus urbis
  5. usque a lucifero donec lux occidat audit?
  6. humani generis mores tibi nosse volenti
  7. sufficit una domus: paucos consume dies et
  8. dicere te miserum, postquam illinc veneris, aude.
  9. quis tumidum guttur miratur in Alpibus, aut quis
  10. in Meroe crasso maiorem infante mamillam?
  11. caerula quis stupuit Germani lumina, flavam
  12. caesariem et madido torquentem cornua cirro?
  13. nempe quod haec illis natura est omnibus una.
  14. ad subitas Thracum volucres nubemque sonoram