Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. haec quota pars scelerum, quae custos Gallicus urbis
  2. usque a lucifero donec lux occidat audit?
  3. humani generis mores tibi nosse volenti
  4. sufficit una domus: paucos consume dies et
  5. dicere te miserum, postquam illinc veneris, aude.
  6. quis tumidum guttur miratur in Alpibus, aut quis
  7. in Meroe crasso maiorem infante mamillam?
  8. caerula quis stupuit Germani lumina, flavam
  9. caesariem et madido torquentem cornua cirro?
  10. nempe quod haec illis natura est omnibus una.
  11. ad subitas Thracum volucres nubemque sonoram
  12. Pygmaeus parvis currit bellator in armis,
  13. mox inpar hosti raptusque per aera curvis
  14. unguibus a saeva fertur grue. si videas hoc
  15. gentibus in nostris, risu quatiare; sed illic,
  16. quamquam eadem adsidue spectentur proelia, ridet
  17. nemo, ubi tota cohors pede non est altior uno.
  18. ‘Nullane peiuri capitis fraudisque nefandae
  19. poena erit?’ abreptum crede hunc graviore catena
  20. protinus et nostro (quid plus velit ira?) necari