Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. ponimus et sectum vituli iecur albaque porci
  2. omenta? ut video, nullum discrimen habendum est
  3. effigies inter vestras statuamque Vagelli.’
  4. Accipe quae contra valeat solacia ferre
  5. et qui nec cynicos nec stoica dogmata legit
  6. a cynicis tunica distantia, non Epicurum
  7. suspicit exigui laetum plantaribus horti,
  8. curentur dubii medicis maioribus aegri:
  9. tu venam vel discipulo committe Philippi.
  10. si nullum in terris tam detestabile factum
  11. ostendis, taceo, nec pugnis caedere pectus
  12. te veto nec plana faciem contundere palma,
  13. quandoquidem accepto claudenda est ianua damno,
  14. et maiore domus gemitu, maiore tumultu
  15. planguntur nummi quam funera, nemo dolorem
  16. fingit in hoc casu, vestem diducere summam
  17. contentus, vexare oculos umore coacto:
  18. ploratur lacrimis amissa pecunia veris.
  19. Sed si cuncta vides simili fora plena querella,
  20. si decies lectis diversa parte tabellis