Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. huius qui trahitur praetextam sumere mavis,
  2. an Fidenarum Gabiorumque esse potestas
  3. et de mensura ius dicere, vasa minora
  4. frangere pannosus vacuis aedilis Vlubris?
  5. ergo quid optandum foret ignorasse fateris
  6. Seianum; nam qui nimios optabat honores
  7. et nimias poscebat opes, numerosa parabat
  8. excelsae turris tabulata, unde altior esset
  9. casus et inpulsae praeceps inmane ruinae.
  10. quid Crassos, quid Pompeios evertit et illum,
  11. ad sua qui domitos deduxit flagra Quirites?
  12. summus nempe locus nulla non arte petitus,
  13. magnaque numinibus vota exaudita malignis.
  14. ad generum Cereris sine caede ac vulnere pauci
  15. descendunt reges et sicca morte tyranni.
  16. Eloquium ac famam Demosthenis aut Ciceronis
  17. incipit optare et totis quinquatribus optat
  18. quisquis adhuc uno parcam[*](parcam P: partam Ψ ) colit asse Minervam,
  19. quem sequitur custos augustae vernula capsae.
  20. eloquio sed uterque perit orator, utrumque