Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. corripias? pulchra gaudet Latona Diana.
  2. sed vetat optari faciem Lucretia qualem
  3. ipsa habuit, cuperet Rutilae Verginia gibbum
  4. accipere atque suum Rutilae dare. filius autem
  5. corporis egregii miseros trepidosque parentes
  6. semper habet; rara est adeo concordia formae
  7. atque pudicitiae, sanctos licet horrida mores
  8. tradiderit domus ac veteres imitata Sabinos,
  9. praeterea castum ingenium vultumque modesto
  10. sanguine ferventem tribuat natura benigna
  11. larga manu (quid enim puero conferre potest plus
  12. custode et cum natura potentior omni?),
  13. non licet esse viro; nam prodiga corruptoris
  14. improbitas ipsos audet temptare parentes:
  15. tanta in muneribus fiducia, nullus ephebum
  16. deformem saeva castravit in arce tyrannus,
  17. nec praetextatum rapuit Nero loripedem nec
  18. strumosum atque utero pariter gibboque tumentem.
  19. I nunc et iuvenis specie laetare tui, quem
  20. maiora expectant discrimina, fiet adulter