Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. instituitque rudes melior Lucusta propinquas
  2. per famam et populum nigros efferre maritos,
  3. aude aliquid brevibus Gyaris et carcere dignum,
  4. si vis esse aliquid; probitas laudatur et alget.
  5. criminibus debent hortos praetoria mensas,
  6. argentum vetus et stantem extra pocula caprum,
  7. quem patitur dormire nurus corruptor avarae,
  8. quem sponsae turpes et praetextatus adulter?
  9. si natura negat, facit indignatio versum
  10. qualemcumque potest, quales ego vel Cluvienus.
  11. Ex quo Deucalion nimbis tollentibus aequor
  12. navigio montem ascendit sortesque poposcit,
  13. paulatimque anima caluerunt mollia saxa
  14. et maribus nudas ostendit Pyrrha puellas,
  15. quidquid agunt homines, votum timor ira voluptas
  16. gaudia discursus, nostri farrago libelli est.
  17. et quando uberior vitiorum copia? quando
  18. maior avaritiae patuit sinus? alea quando
  19. hos animos? neque enim loculis comitantibus itur
  20. ad casum tabulae, posita sed luditur arca.