Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. ecce autem primo[*](ecce autem Peerlkamp, cf. II 587, Aen. VI 255, Ecce leui V | primo V, primos vulgo ) iam spargere lumine portus
  2. orta dies notaeque (nefas) albescere turres.
  3. 'di maris' attonito conclamat ab agmine Tiphys,
  4. 'ut mea fatali damnastis pectora somno.
  5. heu socii quantis complerunt litora monstris.'
  6. illi autem neque adhuc gemitus neque conscia facti
  7. ora levant; tenet exsangues rigor horridus artus;
  8. ceu pavet ad crines et tristia Pentheos ora
  9. Thyias, ubi impulsae iam se deus agmine matris
  10. abstulit et caesi vanescunt cornua tauri.
  11. nec minus effusi grandaevum ad litora vulgus,
  12. ut socias videre manus, dare versa retrorsus
  13. terga metu. dextram tendens proclamat Iason
  14. 'quos[*](Quo XC ) fugitis? vellem hac equidem me strage meosque
  15. procubuisse magis. deus haec, deus asper utrisque
  16. implicuit. sumus en[*](en M, eu V, heu X | sumus (hosp.) M, om.V ) Minyae, sumus hospita turba.
  17. cur etiam flammas[*](flasmas V ) miserosque moramur honores?'
  18. Tum super exsangues confertae[*](conferte C, consertes V, consert(a)e SM ) caedis acervos
  19. praecipiti plangore ruunt; agnoscit in alta
  20. strage[*](Strange V ) virum sua texta parens, sua munera coniunx.