Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. corda pavent, audit fremitus irasque leonum[*](lonum V )
  2. cornuaque et motas videt inter nubila turres.
  3. tune gravis et certo tendens stridore per umbram
  4. Aesonii venit hasta ducis latumque sub imo
  5. pectore rumpit iter. quam nunc incognita vellet
  6. lustra sibi nullosque datos venatibus annos.
  7. talia magnanimi diverso turbine fundunt
  8. tela[*](Tela SM, Tala V ) viri sonitusque pedum suspectaque motu
  9. explorant; prensant socios vocemque reposcunt.[*](resposcunt V )
  10. quod si tanta lues[*](Quod M, Quo V | lues Heinsius, iouis VC ) seros durasset in ortus,
  11. exstinctum genus et solas per moenia matres
    12. p.64
  12. vidisset stratamque dies in litore gentem.
  13. Tum pater omnipotens tempus iam rege perempto
  14. flectere fata ratus miserasque abrumpere pugnas,
  15. supremam celeravit[*](Supremam SM 2, Suprema V | celerauit M 2 T, cele- brabit V, celebrauit C ) opem nutuque sereno
  16. intonuit, quem Nocte satae,[*](satae V, satus C ) quem turbidus horret
  17. Armipotens: tunc porta trucis coit infera belli.[*](belli V, leti Schrader )
  18. continuo dant terga metu versique[*](uersique CT, auersique V ) per agros
  19. diffugiunt, quae sola salus; nec terga ruentum
  20. mens Minyis conversa sequi: stetit anxia virtus.