Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Tyndareos, placida et mediis in frontibus haesit
  2. protinus amborum lumenque innoxia fundit
  3. purpureum, miseris olim implorabile nautis.
  4. Interea medio saevus permissa profundo
  5. carbasa Pangaea Boreas speculatus ab arce
  6. continuo Aeoliam Tyrrhenaque tendit ad antra
  7. concitus. omne dei rapidis nemus ingemit alis,
  8. strata Ceres, motusque niger sub praepete[*](motusque NT cod. Bon., motoque VC | praepete X 2 M, praete V ) pontus.
  9. aequore Trinacrio refugique a parte[*](habet Par. | a parte Par. SM, aperte V ) Pelori
  10. stat rupes horrenda fretis: quot in aethera surgit
  11. molibus, infernas totidem[*](totidem Iunt. 1, totiens V ) demissa sub undas.
  12. nec scopulos[*](scopulos M, scopulis V ) aut antra minor iuxta altera tellus
  13. cernitur. illam Acamans habitat nudusque Pyragmon,[*](pyragmon XC, pyragmo V )
  14. has nimbi ventique domos et naufraga servat
  15. tempestas. hinc in terras latumque profundum
  16. est iter, hinc[*](hic Par. ) olim soliti miscere polumque
  17. infelixque fretum (neque enim tune Aeolus[*](Aeolus Par. X 2, aeblus V ) illis
    18. p.22
  18. rector erat, Libya cum rumperet[*](abrumperet Par. ) advena Calpen
  19. Oceanus, cum flens Siculos Oenotria[*](oenotria Par. SM, oenatria V ) fines
  20. perderet et mediis intrarent montibus undae),