Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. dona ferat. quae[*](quae Carr., qua V ) classe dehinc effusa procorum
  2. bella, quot ad Troiam flentes hiberna Mycenas,
  3. quot proceres natosque deum, quae robora cernes
  4. oppetere et magnis Asiam concedere[*](concidere C ) fatis.
  5. hinc Danaum de fine sedet gentesque fovebo
  6. mox alias. pateant montes silvaeque lacusque
  7. cunctaque claustra[*](claustra SM, clastra V ) maris; spes et metus omnibus esto.
    8. p.21
  8. arbiter ipse locos terrenaque summa movendo[*](mouebo C )
  9. experiar, quaenam populis longissima cunctis
  10. regna velim linquamque datas ubi certus habenas.'
  11. tune oculos Aegaea refert ad caerula robur
  12. Herculeum Ledaeque tuens genus atque ita fatur:
  13. 'tendite in astra, viri: mea[*](mea X 2 N, me V ) primum regia mundo
  14. Iapeti post bella trucis Phlegramque[*](trucis Bon. 1, truces V | Phlegramque Sudhaus, cf. Stat. Theb. VI 358, phreglaeque V ) labores
  15. imposuit: durum vobis iter et grave caeli
  16. institui. sic ecce meus, sic orbe peracto
  17. Liber et expertus terras remeavit Apollo.'
  18. dixit et ingenti flammantem nubila sulco
  19. direxit per inane facem, quae puppe propinqua
  20. in bifidum discessit iter fratresque petivit