Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. intonuit donec pavidis ex aethere ventis
  2. omnipotens regemque dedit, quem iussa vereri
  3. saeva cohors:[*](cohors: vix Sudhaus, c. bis Leo, cohoruis V, coorstum Par., cohors in C ) vix monte chalybs iterataque muris
  4. saxa domant Euros. cum iam prohibere frementum
  5. ora nequit, rex tune aditus et claustra refringit[*](refringit Par. M, refringet V )
  6. ipse volens placatque data fera murmura porta.[*](habet Par.)
  7. nuntius hunc solio Boreas proturbat ab alto:
  8. 'Pangaea quod ab arce nefas' ait, 'Aeole, vidi.
  9. Graia novam ferro molem commenta iuventus
  10. pergit et ingenti gaudens domat aequora velo,
  11. nec mihi libertas imis freta tollere harenis,
  12. qualis eram nondum vinclis et carcere clausus.
  13. hinc animi structaeque viris fiducia puppis,
  14. quod Borean sub rege vident. da mergere Graios
  15. insanamque ratem: nil me mea pignora[*](pignora Sabellicus, pectora V, cf. Stat. Theb. V 432 ) tangunt,
  16. tantum hominum compesce minas, dum litora[*](litorae V, corr. X 2 M ) iuxta
  17. Thessala necdum aliae viderunt carbasa terrae.'
  18. Dixerat. at[*](at S, om. V, et M ) cuncti fremere intus et aequora venti
  19. poscere. tum validam contorto[*](validam contorto Thilo, cf. II 273, IV 452, ualidam contortam V, valido contortam plerique receperunt ) turbine portam
  20. impulit Hippotades. fundunt se carcere laeti