Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. Tu quoque Phrixeos remo, Poeantie, Colchos
  2. bis Lemnon visure petis, nunc cuspide patris
  3. inclitus, Herculeas olim moture[*](moture Bon. 1, morture V ) sagittas.[*](desunt in S)
  4. proximus hinc Butes Actaeis dives ab oris;
  5. innumeras nam claudit apes longaque superbus
  6. fuscat nube diem, dum plenas nectare cellas
  7. pandit et in dulcem reges dimittit Hymetton.
  8. insequeris casusque tuos expressa,[*](expressa M, expres V ) Phalere,
  9. arma geris; patula[*](patula Heinsius, uacua V, fort. sacra) nam lapsus ab arbore parvum
  10. te quater ardenti tergo[*](ter quater vulgo ) circumvenit anguis:
  11. stat procul intendens dubium pater anxius arcum.
  12. tune caelata metus alios gerit arma Eribotes --- [*](armorum descriptio aut casu excidit aut a poeta nondum inserta est)
  13. nec Peleus fretus soceris et coniuge diva
  14. defuit, ac prora splendet tua[*](ac M 2, ad V | tua M, tu V ) cuspis ab alta,
  15. Aeacide: tantum haec aliis[*](haec aliis cod. regius, hae altis V ) excelsior hastis,
  16. quantum Peliacas in vertice vicerat[*](uicerat M, uincerat V ) ornos.
    17. p.16
  17. linquit et Actorides natum[*](natum M 2, natium V ) Chironis in antro,
  18. ut socius caro pariter meditetur Achilli
  19. fila lyrae pariterque leves puer incitet hastas, ...
  20. discat eques placidi conscendere terga magistri ...[*](lepida sententia postea adscripta necdum inserta seriei orationis videtur, nec)