Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. in tua mox Danaos acturus saxa, Caphereu,
  2. Nauplius, et tortum non a love fulmen Oileus
  3. qui gemet,[*](gemet Bon. 2, gemit V ) Euboicas nato stridente per undas,
  4. quique Erymanthei sudantem[*](erymanteis undantem V, corr. O 2 M 2 ) pondere monstri
  5. Amphitryoniaden Tegeaeo limine Cepheus
  6. iuvit, et Amphidamas (at frater plenior actis[*](actis V, annis X 2 in marg., N, fort. aevi)
  7. maluit Ancaeo vellus contingere Phrixi)
  8. tectus et Eurytion servato colla capillo,
  9. quem pater Aonias reducem tondebit ad aras.
  10. te quoque Thessalicae, Nestor, rapit in freta puppis
    11. p.15
  11. fama, Mycenaeis olim qui candida velis
  12. aequora et instantes[*](et instantes Eyssenhardt, nec stantes V, fort. et ecstantes) mirabere mille magistros.
  13. hic vates[*](vates Bon. 1, uatis VC ) Phoebique fides non vana parentis
  14. Mopsus, puniceo cui circumfusa cothurno
  15. palla imos ferit alba pedes vittataque fronte[*](alba V, ima C | uittataque X 2 M, uittaque V | fronte Barth, forontem V )
  16. cassis et in summo laurus Peneia cono.
  17. quin etiam Herculeo consurgit ab ordine Tydeus
  18. Nelidesque Periclymenus, quem parva Methone
  19. †felevis Elis equis et fluctibus obvius[*](Feleuis V, Et leuis plerique codd. deteriores (praeferrem nec levis i. e. nec facilis), felixque Baehrens, fort. fervensque | obuius M, oblmis V ) Aulon
  20. caestibus adversos viderunt frangere vultus. —