Argonautica

Valerius Flaccus, Gaius

Valerius Flaccus. C. Valeri Flacci Setini Balbi Argonauticon Libri Octo. Kramer, Otto, editor. Leipzig: Teubner, 1913.

  1. et quem fama genus non est[*](sq. ad- aptatos aut suo loco insertos esse a poeta puto; versus alio loco intrudere ludentis est, cf. VI 102) decepta Lyaei
  2. Phlias[*](Phlias Bon. 1, Pelias VC ) immissus patrios de vertice crines.
  3. nec timet Ancaeum genetrix committere ponto,
  4. plena tulit quem rege maris.[*](maris Bon. 1, mari V ) securus in aequor
  5. haut minus Erginus, proles Neptunia, fertur,
  6. qui maris insidias, clarae qui sidera noctis
  7. norit et e clausis quem destinet Aeolus antris,
  8. non metuat cui regna ratis, cui tradere caelum
  9. adsidua Tiphys vultum lassatus ab Arcto.
  10. taurea vulnifico portat celer aspera[*](celer aspera Chauvin, celera V, caelataque C ) plumbo
  11. terga Lacon, saltem in vacuos ut bracchia ventos
  12. spargat et Oebalium Pagaseia puppis alumnum[*](alumnum M 1 ex alimmum corr., alumnis V )
  13. spectet securo celebrantem litora ludo.
  14. oraque Thessalico[*](thessalico Bon.,2 thessalio V ) melior contundere freno
  15. vectorem pavidae Castor dum quaereret Helles,
  16. passus Amyclaea pinguescere Cyllaron herba.
  17. illis Taenario pariter tremit ignea fuco
  18. purpura, quod gemina mater spectabile tela
  19. duxit opus; bis Taygeton silvasque[*](tageton V, corr. M 1 | siluasque M, saluasque V ) comantes
  20. struxerat, Eurotan molli bis fuderat auro;