Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. et latet et nullo est invenienda modo.
  2. viderat hanc Ianus visaeque cupidine captus
  3. ad duram verbis mollibus usus erat.
  4. nympha iubet quaeri de more remotius antrum
  5. utque comes sequitur destituitque ducem,
  6. stulta! videt Ianus, quae post sua terga gerantur:
  7. nil agis, et latebras respicit ille tuas.
  8. nil agis, en! dixi: nam te sub rupe latentem
  9. occupat amplexu speque potitus ait:
  10. ‘ius pro concubitu nostro tibi cardinis esto:
  11. hoc pretium positae virginitatis habe.’
  12. sic fatus spinam, qua tristes pellere posset
  13. a foribus noxas (haec erat alba), dedit.