Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. dempserat emeritis iam iuga Phoebus equis.
  2. is mihi multa quidem, sed et haec narrare solebat,
  3. unde meum praesens instrueretur opus:
  4. hoc ait in campo (campumque ostendit) ‘habebat
  5. rus breve cum duro parca colona viro.
  6. ille suam peragebat humum, sive usus aratri
  7. seu curvae falcis sive bidentis erat.
  8. haec modo verrebat stantem tibicine villam,
  9. nunc matris plumis ova fovenda dabat,
  10. aut virides malvas aut fungos colligit albos,
  11. aut humilem grato calfacit igne focum,
  12. et tamen assiduis exercet brachia telis
  13. adversusque minas frigoris arma parat,
  14. filius huius erat primo lascivus in aevo
  15. addideratque annos ad duo lustra duo
  16. is capit extremi volpem convalle salicti:
  17. abstulerat multas illa cohortis aves.
  18. captivam stipula faenoque involvit et ignes
  19. admovet: urentes effugit illa manus:
  20. qua fugit, incendit vestitos messibus agros;