Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. damnosis vires ignibus aura dabat,
  2. factum abiit, monumenta manent; nam dicere certa
  3. nunc quoque lex volpem Carseolana vetat;
  4. utque luat poenas gens haec Cerialibus ardet,
  5. quoque modo segetes perdidit, ipsa perit.’ [*](20. FN)
  6. Proxima cum veniet terras visura patentes
  7. Memnonis in roseis lutea mater equis,
  8. de duce lanigeri pecoris, qui prodidit Hellen,
  9. sol abit: egresso victima maior adest.
  10. vacca sit an taurus, non est cognoscere promptum:
  11. pars prior apparet, posteriora latent.
  12. seu tamen est taurus sive est hoc femina signum,
  13. Iunone invita munus amoris habet. [*](21. G PAR — NP)
  14. Nox abiit, oriturque Aurora. Parilia 1 poscor:
  15. non poscor frustra, si favet alma Pales,
  16. alma Pales, faveas pastoria sacra canenti,
  17. prosequor officio si tua festa meo.
  18. certe ego de vitulo cinerem stipulasque fabalis
  19. saepe tuli plena, februa casta, manu:
  20. certe ego transilui positas ter in ordine flammas,