Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. dicitur, hoc Celei rura fuere senis.
  2. ille domum glandes excussaque mora rubetis
  3. portat et arsuris arida ligna focis.
  4. filia parva duas redigebat monte capellas,
  5. et tener in cunis filius aeger erat.
  6. mater! ait virgo (mota est dea nomine matris)
  7. quid facis in solis incomitata locis?
  8. restitit et senior, quamvis onus urget, et orat,
  9. tecta suae subeat quantulacumque casae.
  10. illa negat, simularat anum mitraque capillos
  11. presserat. instanti talia dicta refert:
  12. ‘sospes eas semperque parens! mihi filia rapta est.
  13. heu, melior quanto sors tua sorte mea est!’
  14. dixit, et ut lacrimae (neque enim lacrimare deorum est)
  15. decidit in tepidos lucida gutta sinus,
  16. flent pariter molles animis virgoque senexque;
  17. e quibus haec iusti verba fuere senis:
  18. ‘sic tibi, quam raptam quaeris, sit filia sospes,
  19. surge nec exiguae despice tecta casae.’
  20. cui dea duc! inquit scisti, qua cogere posses,