Fasti

Ovid

Ovid. Ovid's Fasti. Frazer, James George, Sir, editor. Cambridge, MA; London, UK: Harvard University Press, William Heinemann, Ltd., 1931.

  1. quilibet huc dixit confuge, tutus eris.
  2. O quam de tenui Romanus origine crevit!
  3. turba vetus quam non invidiosa fuit!
  4. ne tamen ignaro novitas tibi nominis obstet,
  5. disce, quis iste deus, curque vocetur ita.
  6. Iuppiter est iuvenis: iuvenalis aspice voltus;
  7. aspice deinde manum, fulmina nulla tenet,
  8. fulmina post ausos caelum adfectare Gigantes
  9. sumpta Iovi; primo tempore inermis erat.
  10. ignibus Ossa novis et Pelion altius Ossa
  11. arsit et in solida fixus Olympus humo.
  12. stat quoque capra simul: nymphae pavisse feruntur
  13. Cretides; infanti lac dedit illa Iovi.
  14. nunc vocor ad nomen, vegrandia farra colonae
  15. quae male creverunt, vescaque parva vocant,
  16. vis ea si verbi est, cur non ego Vediovis aedem
  17. aedem non magni suspicer esse Iovis?
  18. iamque, ubi caeruleum variabunt sidera caelum,
  19. suspice: Gorgonei colla videbis equi.
  20. creditur hic caesa gravidae cervice Medusae