Trinummus

Plautus, Titus Maccius

Plautus. Leo, Friedrich

  1. sapienti aetas condimentum, sapiens aetati cibust.
  2. agedum eloquere, quid dare illi nunc vis?
Lys.
  1. Nil quicquam, pater;
  2. tu modo ne me prohibeas accipere, si quid det mihi.
Phil.
  1. An eo egestatem ei tolerabis, si quid ab illo acceperis?
L.
  1. Eo, pater.
P.
  1. Pol ego istam volo me rationem edoceas.
L.
  1. Licet.
  2. scin tu illum quo genere natus sit?
Phil.
  1. Scio, adprime probo.
Lys.
  1. Soror illi est adulta virgo grandis: eam cupio, pater,
  2. ducere uxorem sine dote.
Phil.
  1. Sine dote uxorem?
Lys.
  1. Ita;
  2. tua re salva hoc pacto ab illo summam inibis gratiam,
  3. neque commodius ullo pacto ei poteris auxiliarier.
Phil.
  1. Egone indotatam te uxorem ut patiar?
Lys.
  1. Patiundumst, pater;
  2. et eo pacto addideris nostrae lepidam famam familiae.