Fall of Troy

Quintus Smyrnaeus

Quintus Smyrnaeus. Fall of Troy. Way, Arthur S., editor. London: W. Heinemann; New York: The Macmillan Co., 1913.

  1. τεῦχον, ὅσʼ οὐταμένων ὀλοὰς ἀκέονται ἀνίας.
  2. Αἴας δʼ αἰὲν ἐμάρνατʼ ἀλίγκιος ἀστεροπῇσι
  3. κτείνων ἄλλοθεν ἄλλον, ἐπεὶ μέγα τείρετο θυμῷ
  4. ἀχνύμενος κέαρ ἔνδον ἀνεψιοῖο δαμέντος.
  5. ἄγχι δὲ Λαέρταο δαΐφρονος υἱὸς ἀμύμων
  6. μάρνατο δυσμενέεσσι· φέβοντο δέ μιν μέγα λαοί.
  7. κτεῖνε δὲ Πεισάνδροιο θοὸν καὶ ἀρήϊον υἷα
  8. Μαίναλον, ὅς ναίεσκε περικλυτὸν οὖδας Ἀβύδου·
  9. τῷ δʼ ἔπι δῖον ἔπεφνεν Ἀτύμνιον, ὅν ποτε Νύμφη
  10. Πηγασὶς ἠΰκομος σθεναρῷ τέκεν Ἠμαθίωνι
  11. Γρηνίκου ποταμοῖο παρὰ ῥόον· ἀμφὶ δʼ ἄρʼ αὐτῷ
  12. Πρωτέος υἷα δάϊξεν Ὀρέσβιον, ὅς τε μακεδνῆς
  13. Ἴδης ναιετάασκεν ὑπὸ πτύχας, οὐδέ ἑ μήτηρ
  14. δέξατο νοστήσαντα περικλειτὴ Πανάκεια,
  15. ἀλλʼ ἐδάμη παλάμῃσιν Ὀδυσσέος, ὅς τε καὶ ἄλλων
  16. πολλῶν θυμὸν ἔλυσεν ὑπʼ ἔλχεϊ μαιμώωντι
  17. κτείνων ὅν κε κίχῃσι περὶ νέκυν. ἀλλά μιν Ἄλκων
  18. υἱὸς ἀρηϊθόοιο Μεγακλέος ἔγχεϊ τύψε
  19. πὰρ γόνυ δεξιτερόν· περὶ δὲ κνημῖδα φαεινὴν
  20. ἔβλυσεν αἷμα κελαινόν· ὁ δʼ ἕλκεος οὐκ ἀλέγιζεν,