Dionysiaca

Nonnus of Panopolis

Nonnus of Panopolis. Dionysiaca, Vol. 1-3. Rouse, W.H.D., editor. London: W. Heinemann Ltd.; Cambridge, MA, 1940-1942.

  1. χεύμασιν ἀφνειοῖσι Διιπετὲς οἶδμα κυλίνδων
  2. Γεῦδις ἐχεκτεάνων ὑδάτων λευκαίνεται ὁλκῷ,
  3. ἀργυρέου δαπέδοιο περιξύων κενεῶνα.
  4. ἔνθα διαστείχοντα βαθυπλούτῳ παρὰ πέτρῃ
  5. βουκεράοις Σατύροισιν ὁμήλυδα πεζὸν ὁδίτην
  6. Βάκχον ἀνὴρ ἄγραυλος ἐρημάδι δέκτο καλιῇ,
  7. Βρόγγος, ἀδωμήτων ὀρεσίδρομος ἀστὸς ἐναύλων,
  8. γηγενέων ἀχάρακτον ὑπὸ κρηπῖδα θεμέθλων
  9. ναίων οἶκον ἄοικον· ἐυφροσύνης δὲ δοτῆρα
  10. αἰγὸς ἀμελγομένης κεράσας χιονωπὸν ἐέρσην
  11. ξεινοδόκος γλαγόεντι ποτῷ μειλίξατο ποιμὴν
  12. εἴδασιν οὐτιδανοῖσι καὶ ἀγραύλοισι κυπέλλοις,
  13. καὶ μίαν εἰροπόκων ὀίω ἀνελύσατο μάνδρης,
  14. ὄφρά κε δαιτρεύσειε θυηπολίην Διονύσῳ·
  15. ἀλλὰ θεὸς κατέρυκε· γέρων δʼ ἐπεπείθετο Βάκχου
  16. νεύμασιν ἀτρέπτοισιν,ὄιν δʼ ἄψαυστον ἐάσας
  17. ποιμενίην τινὰ δαῖτα θελήμονι θῆκε Λυαίῳ,
  18. τεύχων δεῖπνον ἄδειπνον ἀδαιτρεύτοιο τραπέζης,
  19. οἷα Κλεωναίοιο φατίζεται ἀμφὶ Μολόρκου
  20. κεῖνα, τά περ σπεύδοντι λεοντοφόνους ἐς ἀγῶνας