Wasps

Aristophanes

Aristophanes. Aristophanis Comoediae, Vol. 1. Hall, F. W. and Geldart, William M., editors. Oxford: Clarendon Press, 1906.

  1. ἢ δέδοκταί μοι δέρεσθαι καὶ δέρειν διʼ ἡμέρας;
Χορός
  1. οὐδέποτέ γʼ, οὐχ ἕως ἄν τί μου λοιπὸν ᾖ,
  2. ὅστις ἡμῶν ἐπὶ τυραννίδʼ ὧδʼ ἐστάλης.
Βδελυκλέων
  1. ὡς ἅπανθʼ ὑμῖν τυραννίς ἐστι καὶ ξυνωμόται,
  2. ἤν τε μεῖζον ἤν τʼ ἔλαττον πρᾶγμά τις κατηγορῇ,
  3. ἧς ἐγὼ οὐκ ἤκουσα τοὔνομʼ οὐδὲ πεντήκοντʼ ἐτῶν·
  4. νῦν δὲ πολλῷ τοῦ ταρίχους ἐστὶν ἀξιωτέρα,
  5. ὥστε καὶ δὴ τοὔνομʼ αὐτῆς ἐν ἀγορᾷ κυλίνδεται.
  6. ἢν μὲν ὠνῆταί τις ὀρφὼς μεμβράδας δὲ μὴ ʼθέλῃ,
  7. εὐθέως εἴρηχʼ ὁ πωλῶν πλησίον τὰς μεμβράδας·
  8. ʼοʼὗτος ὀψωνεῖν ἔοιχʼ ἅνθρωπος ἐπὶ τυραννίδι.ʼ
  9. ἢν δὲ γήτειον προσαιτῇ ταῖς ἀφύαις ἥδυσμά τι,
  10. ἡ λαχανόπωλις παραβλέψασά φησι θατέρῳ·
  11. εἰπέ μοι, γήτειον αἰτεῖς· πότερον ἐπὶ τυραννίδι,
  12. ἢ νομίζεις τὰς Ἀθήνας σοὶ φέρειν ἡδύσματα;