Oedipus at Colonus

Sophocles

Sophocles, Volume 1. Storr, Francis, editor. London; New York: William Heinemann Ltd.; The Macmillan Company, 1912.

  1. τῷ μὴ δύνασθαι μήδʼ ὁρᾶν, δυοῖν κακοῖν·
  2. σφῷν δʼ ἁτέρα μολοῦσα πραξάτω τάδε.
  3. ἀρκεῖν γὰρ οἶμαι κἀντὶ μυρίων μίαν
  4. ψυχὴν τάδʼ ἐκτίνουσαν, ἢν εὔνους παρῇ.
  5. ἀλλʼ ἐν τάχει τι πράσσετον· μόνον δέ με
  6. μὴ λείπετʼ· οὐ γὰρ ἂν σθένοι τοὐμὸν δέμας
  7. ἔρημον ἕρπειν οὐδʼ ὑφηγητοῦ δίχα.
Ἰσμήνη
  1. ἀλλʼ εἶμʼ ἐγὼ τελοῦσα· τὸν τόπον δʼ ἵνα
  2. χρῆσταί μʼ ἐφευρεῖν, τοῦτο βούλομαι μαθεῖν.
Χορός
  1. τοὐκεῖθεν ἄλσους, ὦ ξένη, τοῦδʼ· ἢν δέ του
  2. σπάνιν τινʼ ἴσχῃς, ἔστʼ ἔποικος ὃς φράσει.
Ἰσμήνη
  1. χωροῖμʼ ἂν ἐς τόδʼ· Ἀντιγόνη, σὺ δʼ ἐνθάδε
  2. φύλασσε πατέρα τόνδε· τοῖς τεκοῦσι γὰρ
  3. οὐδʼ εἰ πονεῖ τις, δεῖ πόνου μνήμην ἔχειν.
Χορός
  1. δεινὸν μὲν τὸ πάλαι κείμενον ἤδη κακόν, ὦ ξεῖνʼ, ἐπεγείρειν·