Alethia

Victor, Claudius Marius

Victor, Claudius Marius. Saint. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. Concedes fecisse Deum: qui numine Verbi
  2. Et virtute potens quidquid natura putatur
  3. Disposuit, iussit, monuit, munusq; creatum
  4. Succiduis vicibus (semper fugitiua reformans)
  5. Sustinet: ac volucrem retrahens circurotat orbe.
  6. Qui si cuncta etiam mauult dissoluere raptim,
  7. Confestim in similes formas redeuntia reddet. \')
  8. Tanta Patris uis estt6 tanta est gloria Verbi.
  9. Vt vero semel attingam primordia rerum:
  10. Excelsi conuexa poli, terraeq; iacentes,
  11. Pars prima est operis, sed terras unda tegebat
  12. Aeraq; in medio sordenti nube madentem,
  13. Et tenebris se uasta nigris velabat abyssus,
  14. Et sacer extensis impendens spiritus vndis
  15. Altrices animabat aquas, ac semina rerum
  16. Nondum copositis fundenda ad germina terris
  17. Insinuanda dabat: quum lux immissa superne
  18. Emicuit dicente Deo: discretaq; nigrum
  19. Vmbra peplu retrahes, summo discessit olympo.
  20. Tum diuina diem appellans prudentia lucem, 2)