de consolatione ad Marciam

Videbis quinque sidera diversas agentia vias et in contrarium

Cum satiatus spectaculo supernorum in terram oculos deieceris, excipiet te alia forma rerum aliterque mira- bilis : hinc camporum in infinitum patentium fusa planities, hinc montium magnis et nivalibus surgentium iugis erecti in sublime vertices ; deiectus fluminum et ex uno fonte in occidentem orientemque diffusi amnes et summis cacuminibus nemora nutantia et tantum silvarum cum suis animalibus aviumque concentu dissono ;

varii urbium situs et seclusae nationes locorum difficultate, quarum aliae se in erectos sub- trahunt montes, aliae ripis lacubus vallibus pavidae [*]( ripis lacubus vallibus Basore doubtfully: ripis. lacu. uallibus AF: pavidae A: palude F: ripis lacuum vallibusque (paludibusque?) pavidae Madvig: euripis, lacubus, amnibus pavidae Gertz: ripis lacunalibus pavidae Waltz: ripis lacuum, vallibus, paludibus Favez. ) circumfunduntur ; adiuta cultu seges et arbusta sine cultore feritatis ; et rivorum lenis inter prata dis- cursus et amoeni sinus et litora in portum recedentia ; sparsae tot per vastum insulae, quae interventu suo maria distinguunt.