Apotheosis

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. creditus inscriptusque rubet, cui visus in orbe
  2. haud dubitante fide Deus est, Deus ex Patre verus.
  3. ille Deum vidit, visum mox credidit: at tu,
    4. p.148
  4. posteritas carnis, carnaliter omnia cernens,
  5. carnis opus sub lege geris, quam spiritus inplet
  6. interior; nec enim caelo lex carnea fluxit,
  7. quam tu carne colis, sed Christo feta meamque
  8. spem paritura utero, quam spem, nisi numinis almum
  9. lumen et adventum Domini, quem viderat Abrae
  10. prima fides, nostrisque Pater promiserat olim
  11. perspiciendum oculis et legis voce probandum?
  12. nec solum legis; nam quae iam littera Christum