Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. per Christum genitum, summe Pater, tuum
  2. in quo visibilis stat tibi gloria,
    3. p.48
  3. qui noster Dominus, qui tuus unicus
  4. spirat de patrio corde Paraclitum.
  5. per quem splendor, honos, laus, sapientia,
  6. maiestas, bonitas et pietas tua
  7. regnum continuat numine triplici,
  8. texens perpetuis saecula saeculis.
  1. Ades, Pater supreme,
  2. quem nemo vidit umquam,
  3. patrisque Sermo Christe,
  4. et Spiritus benigne,
  5. o Trinitatis huius
  6. vis una, lumen unum,1
  7. deus ex Deo perennis,
  8. deus ex utroque missus.
  9. fluxit labor diei,
  10. redit et quietis hora,
  11. blandus sopor vicissim
  12. fessos relaxat artus.