Carmina

Ennodius, Magnus Felix

Magnus Felix Ennodius. Magni Felicis Ennodii Opera Omnia (Corpus Scriptorum Ecclesiasticorum Latinorum, Volume 6). Hartel, Wilhelm, editor. Vienna: Gerold, 1882.

  1. Castalii mellis murmura blanda bibi.
  2. Continuo ponens marcentes pectore curas
  3. Conplector laudem carmina laetitiam.
    LXVII. DE EO QVOD VINDEMIARVM TEMPORE SCRIPSIT.
  1. Musta cadis famuli dum condunt nostra fideles
  2. Et ludunt praelo calcibus intrepidis,
  3. Dum tingunt rosei plantas de sanguine Bacchi,
  4. Scinditur et teneras nua gerens tunicas:
  5. Otia Niliacis non passus carmina biblis
  6. Sulcaui, tumulo ne tenear moriens.
  7. Ebria lapsantis confessus uerba Thaliae,
  8. Sum uacuus culpa, si pedibus titubet.
  9. Ieiunos deceat lex artis syllaba rhythmus:
  10. Nulla Camenarum iungitur ad Bromium.
    LXVIII. DE QVODAM GLVTTONE QVI OPVS EIVS INPERITVS CARPEBAT.
  1. Nescio cur sancto non parcas, stulte, labori,
  2. Dum morem seruas dentibus insiliens.
  3. Mandere nos pergis, sed uenter commoda nescit:
  4. Flamina nam uacuis stringis imaginibus.
  5. Escarum gurges nil ruptis murmure buccis
  6. Suscipit aut cassis motibus exuberat.
  7. Phasiacam uolucrem pisces uel sumina carpens,