S. Silviae Peregrinatio

Itinera Hierosolymitana / Egragia

Itinera Hierosolymitana / Egragia. Itinera hierosolymitana saecvli IIII-VIII (Corpus scriptorum ecclesiasticorum Latinorum, Volume 39). Geyer, Paul, editor. Prague, Vienna, Leipzig: Tempsky, Freytag, 1898.

Vidimus etiam in extrema iam ualle ipsa memorias concupiscentiae, [*]( 2 cf. Exod. 32, 20 3 cf. Exod. 17, 5 5 cf. Num. 11, 25 7 cf. Nura. 11, 4 9 cf. Nurn. 11, 3 11 cf. Exod. 16, 13 et 14 ) [*]( 1 ad montem A a monte ipse scripsi ostenderunt torrentem, sed per uocabulum torrentem lineola ducta est A 4 portauit A potauit i Gamurrini filos A 9 quedam A 12 quecumque A 15 satis longum Cholodniak retinere A retineri scripsi cum Sittl et Cholodniak 16 sancti Cholodniak cf. 44, 12 et 46, 17 24 confix; mos esset A confixum Mosis esset Woelfflin, Archiv f. lat. Lex. IV p. 274 confixum Moysi est Pomialoicsky confixit Moyses set Cholodniak confixum a Moyse est scripsi )

45
in eo tamen loco, in quo denuo reuersi sumus ad iter nostrum, hoc est ubi exeuntes de ualle illa grande reingressi sumus uia, qua ueneramus, inter montes illos, quos superius dixeram. Nam etiam ipsa die accessimus et ad ceteros monachos ualde sanctos, qui tamen pro aetate aut inbecillitate occurrere in monte Dei ad oblationem faciendam non poterant; qui tamen nos dignati sunt in monasteriis suis aduenientes ualde humane suscipere.

Ac sic ergo uisa loca sancta omnia, quae desiderauimus, nec non etiam et omnia loca, quae filii Israhel tetigerant eundo uel redeundo ad montem Dei, uisis etiam et sanctis uiris, qui ibi commorabantur, in nomine Dei regressi sumus in Faran.

Et licet semper Deo in omnibus gratias agere debeam, non dicam in his tantis et talibus quae circa me conferre dignatus est indignam et non merentem, ut perambularem omnia loca, quae mei meriti non erant, tamen etiam et illis omnibus sanctis nec sufficio gratias agere, qui meam paruitatem dignabantur in suis monasteriis libenti animo suscipere uel certe per omnia loca deducere, quae ego semper iuxta scripturas sanctas requirebam. Plurimi autem ex ipsis sanctis, qui in montem Dei uel circa ipsum montem commorabantur, dignati sunt nos usque in Faran deducere, qui tamen fortiori corpore erant:

Ac sic ergo cum peruenissemus Faran, quod sunt a monte Dei milia triginta et quinque, necesse nos fuit ibi ad resumendum biduo immorari. Ac tertia die inde maturantes uenimus denuo ad mansionem, id est in desertum Faran, ubi et euntes manseramus, sicut et superius dixi. Inde denuo alia die facientes aquam et euntes adhuc aliquantulum inter montes peruenimus ad mansionem, quae erat iam super mare, id est in eo loco, ubi iam de inter montes exitur et incipitur denuo totum iam iuxta mare ambulari, sic tamen iuxta mare, ut subito fluctus animalibus pedes caedat, subito etiam et in centum et in [*]( 5 P etate A per etate Pomialotcsky 15 erant] an erat? 23 faram A qao Cholodniak 27 facientes arcam Purser in editione Bernardiana iter facientes ad aquam Cholodniak 82 cedat A )

46
ducentos passus, aliquotiens etiam et plus. quam quingentos passus de mari per heremum ambuletur; uia enim illic penitus non est, sed totum heremi sunt arenosae.