Heptateuchos

Cyprianus Gallus

Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.

  1. eleuet et uultus, ut uos de sede reuisat [*](295)
  2. inclita et ingenti dominus det munere pacem." [*]( 1 )
  3. nec minus interea uates circum omnia promptus
  4. iussa dei primam castris socialibus aedem
  5. exornat domini pinguique inrorat oliuo.
  6. et quaecumque nitent argento effecta uel auro [*](300 )
  7. uasa domus sanctae, simili de flumine lauit. [*]( 2 )[*](3 )
  8. plaustra dehinc, tribuum dederant quae iuncta tribuni,
  9. cornigeris bobus parilem diuisit ad usum [*]( 6 )
  10. Leuitisque dedit; geminis bis ducta iuuencis [*]( 7 )
  11. carra duo primae Getsonum tradita turmae; [*](305 )[*]( 8 )
  12. at Merara cohors quaterno bis boue iuncta
  13. quattuor accepit rebus carpenta ferendis,
  14. quae sacris sunt facta dei; nam sola Gaada [*]( 9 )
  15. inmunis donis gestauit pondera collo. [*](309)
  16. [*]( 11 ) Interea tribuum proceres pia dona ferentes [*](129 )
  17. discretos habuere dies; namque agmina plebis [*]( 130 )
  18. sunt quingenta, simul uiginti et milia bina,
  19. bis senis ducenda uiris, quorum ordine primo [*]( 12 )
  20. uouit Iuda tribus donum Nassone tribuno; [*]( 18 ) [*]( 14 )