Heptateuchos

Cyprianus Gallus

Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.

  1. quem Galatum indigenae patrio sermone loquuntur.
  2. tertia iamque die soceri peruenit ad aures
  3. discessus generi pariter pariterque natarum.
  4. ilicet auxilium fraterno ex agmine poscit
  5. quaesitumque diu sexto iam lumine nanctus,
  6. ne noceat, sancto domini terrore uetatur,
  7. mitificusque suis, quae credit numina. poscit,
  8. et cunctis quaesita locis non cognita maeret.
  9. postquam depositis rediit pax certa querellis,
  10. congeries struitur saxis crescentibus alta,
  11. ut locus exstructo maneat munimine testis
  12. ac positus limes litem discerneret agris.
  13. ecce uiae medio uates uidet ardua castra,
  14. quae deus astrigero ductat moderamine rector, disiungi
  15. indidit et nomen testatus: "Haec deus implet."
  16. interea electos iuuenes praecurrere iussit,
  17. muneribusque graues, germanum quae iubet uti,
  18. ut reditum placidus tribuat; pacemque petenti
  19. adnuit ille libens; sociis atque agmine multo niturerunt
  20. stipatus fratrem contra nil turbidus exit,