Heptateuchos

Cyprianus Gallus

Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.

  1. quam nunc multimodis opimam frugibus audax
  2. Channanaeus habet Cethaeo et iunctus Amorreus,
  3. Pherezaea manu Gergessorumque sequente,
  4. quamque simul\' perfundens colit Euaeaque pubes. [*](210)
  5. dulcibus hic scatebris opimo e flumine mella
  6. albenti cum lacte fluunt; haec dona daturus [*]( 10 )
  7. electis te pono ducem, te pergere mando
  8. regis ad optutus, ut quae sunt iussa renarres. [*]( 12 )
  9. ac ne, praetrepidus coeptu, infirmere sub actu, [*](215)
  10. tecum semper ero. qui libertate reuersa
  11. hoc in colle mihi sensu Iuminibus ouanti."
  12. [*]( 18 ) Haec ubi detonuit dominus, fiducia uatem
  13. parua tenet primum. mox nomen quaerit aeternum
  14. quod habeat dominus, ut signum Iudaea noscat [*](220)[*]( 14 )
  15. principis inpositi. saluator talia iungit:
  16. "Ille ego sum qui sum, sic dices, et super (astra) [*]( 15 )
  17. qui uiget, estque deus uestrorum a stirpe parentum:
  18. inmensus ubicumque deus gentesque per omnes,
  19. uiuorum per saecla sator non luce carentum. [*](225)[*]( 16 )