de consulatu Stilichonis

Claudian

Claudian, Volume 1-2. Platnauer, Maurice, editor. Harvard University Press: Cambridge, MA; London, England, 1922.

  1. laurigerum festo fremuisset carmine miles.
  2. hi famulos traherent reges ; hi facta metallo
  3. oppida vel montes captivaque flumina ferrent.
  4. hinc Libyci fractis lugerent cornibus amnes ;
  5. inde catenate gemeret Germania Rheno. 25
  6. sed non inmodicus proprii iactator honoris
  7. consul, Roma, tuus. non illum praemia tantum
  8. quam labor ipse iuvat ; strepitus fastidit inanes
  9. inque animis hominum pompa meliore triumphat.
  10. Non alium certe Romanae clarius arces
  11. suscepere ducem, nec cum cedente rediret
  12. Fabricius Pyrrho nec cum Capitolia curru
  13. Pellaeae domitor Paullus conscenderet aulae.
  14. nec similis Latias patefecit gloria portas
  15. post Numidas Mario, post classica Martis Eoi
  16. Pompeio. nulli pars aemula defuit umquam,
  17. quae gravis obstreperet laudi, stimulisque malignis
  18. facta sequebatur quamvis ingentia livor :
  19. solus hie invidiae fines virtute reliquit
  20. humanumque modum. quis enim livescere possit, 40