de consulatu Stilichonis

Claudian

Claudian, Volume 1-2. Platnauer, Maurice, editor. Harvard University Press: Cambridge, MA; London, England, 1922.

  1. Alpinae socias arcu cessante pudicas
    2. v.2.p.60
  2. et pharetratarum comitum inviolabile cogis
  3. concilium, veniunt umcros et brachia nudae
  4. armataeque manus iaculis et terga sagittis,
  5. incomptae pulchraeque tamen ; sudoribus ora
  6. pulverulenta rubent, sexum nec cruda fatetur
  7. virginitas ; sine lege comae ; duo cingula vestem
  8. crure tenus pendere vetant. praecedit amicas
  9. flava Leontodame, sequitur nutrita Lycaeo
  10. Nebrophone telisque domat quae Maenala Thero.
  11. ignea Cretaea properat Britomartis ab Ida
  12. et cursu Zephyris numquam cessura Lycaste.
  13. iungunt se geminae metuenda feris Hecaerge
  14. et soror, optatum numen venantibus, Opis
  15. progenitae Scythia : divas nemorumque potentes
  16. fecit Hyperboreis Delos praelata pruinis.
  17. hae septem venere duces ; exercitus alter
  18. Nympharum incedunt, acies formosa Dianae,
  19. centum Taygeti, centum de vertice Cynthi
  20. et totidem casto genuit quas flumine Ladon.