Conlationes Patrum (Collationibus)
Cassian, John
John Cassian. Johannis Cassiani Opera, Pars II (Corpus Scriptorum Ecclesiasticorum Latinorum, Volume 13). Petschenig, Michael, editor. Vienna: Gerold, 1886.
sed et illis haec nihilominus repperientur aduersa, qui humanam laudem ieiuniis aucupantur et inani ostentatione palloris famam sanctitatis adquirunt, quos in praesenti suam recepisse mercedem euangelicus sermo pronuntiat, uel quorum per prophetam dominus ieiunium detestatur. ad quorum personam cum sibi obiciens ante dixisset: quare ieiunauimus, et non aspexisti: humiliauimus animas nostras, et nescisti? confestim subiciens prodidit causas, cur non merentur audiri: ecce, inquit, in diebus ieiunii uestri inuenietur uoluntas uestra, et omnes debitores uestros repetitis. ecce ad lites et contentiones ieiunatis, et percutitis pugno impie. nolite ieiunare sicut usque ad hanc diem, ut audiatur in excelso clamor uester. numquid tale estieiunium, quod elegi, per diem adfligere hominem animam suam? numquid contorquere quasi circulum caput suum, et saccum et cinerem sternere? numquid istud uocabitis ieiunium, et diem acceptabilem domino?
deinde infert docens quomodo acceptabilis fiat [*]( . 13 cf. Mt. 6, 16 15\'Eaai. 58, 3 18 1. c. 3-5 ) [*]( 1 relegionis K1 2 quum 0 inbicilitas K1 3 aliquis om. 0 6 qum 0 et] hac 0 7 indnlgeat 0 9 relegiosus BK1 10 nihilhominns K1 repperiuntur 0 reperientur K 11 occupantur F1O acupantnr F1 13 euang. sermo mercedem K 14 profetam F ex quorum persona Οβυ 15 qam 0 17 qunr BO 18 mererentnr Ov inquid FOK1 19 inuenitur F uestra om. FO 22 ad BFr: in 0βc 25 nnmquit Bl 27 istud uocabitis (xαλέσετε) BsF: stadio capitis B1 stnht uocabis 0 istud nocabis r Vulg. istnd nocani βc)