Technopaegnion

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. et qui quadriiugo curru pater invenitur Sol,
  2. quique truces belli motus ciet armipotens Mars,
  3. quem numquam pietas, numquam bona sollicitat Pax.
  4. nec cultor nemorum reticebere, Maenalide Pan,
  5. nec genius domuum, Larunda progenitus Lar,
  6. fluminibusque Italis praepollens, sulphureus Nar,[*]()
  7. quaeque pias divum periuria, nocticolor Styx,
  8. velivolique maris constrator, leuconotos Libs,
  9. et numquam in dubiis hominem bona destituens Spes.
  1. NEC nostros reticebo cibos, quos priscus habet mos,
  2. inritamentum quibus additur aequoreum sal.
  3. communis pecorique olim cibus atque homini glans,
  4. ante equidem campis quam spicea suppeteret frux.