Epistulae

Ausonius, Decimus Magnus

Ausonius, Decimus Magnus. Ausonius, Volume 2. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1921.

  1. tales hibernis ad te de saepibus, ipsos
  2. capi volentes, misimus
  3. bis denos; tot enim crepero sub lucis eoae
  4. praeceps volatus intulit.
  5. tum, quas vicinae suggessit praeda lacunae,
  6. anites maritas iunximus,
  7. remipedes, lato populantes caerula rostro
  8. et crure rubras Punico,
  9. iricolor vario pinxit quas pluma colore,
  10. collum columbis aemulas,
  11. Defrudata meae non sunt haec fercula mensae:
  12. vescente te fruimur magis.
  13. Vale bene, ut valeam.
  1. CREDIDERAM nil posse meis adfectibus addi,
  2. quo, venerande pater, diligerere magis,
  3. accessit (grates superis medioque nepoti,
  4. bina dedit nostris qui iuga nominibus)
  5. accessit titulus, tua quo reverentia crescat,
  6. quo doceam natum, quid sit amare patrem.
  7. ipse nepos te fecit avum: mihi filius idem