Expositio Psalmi CXVIII

ubi diuersarum pugna est passionum, ubi conflictus grauium concitationum ? unde dominus definiens quid sit pacem habere ait: pacem relinquo uobis, pacem meam do uobis; non sicut mundus dat ego do uobis, ostendens pacem quam mundus dat uerae pacis gratiam non habere. ideoque non in homine esse pacem uolens docere addidit: pacem relinquo uobis, et iterum: pacem meam do uobis. denique propheta dicebat: pax pax; et ubi est pax? manifestum est igitur eum de titubatione suae dixisse sententiae, in qua animi. non corporis titubauerat gressus. [*]( 3*Ps. 118, 133 10 Prou. 20. 18 (24) ll*Ps. 72, 2—3 20-23*Ioh. 14, 27 25*Hier. 6. 14 ) [*](def. A) [*]( 1 iudicemur (sie) aspectu 0 3 sequitur om.ax add. V G quintas uersieulas Mm2N Rm2 uersus quintus v 4 mei 31 5 pro mn.GmlRml affectibus 0 eifectibus Pml 7 eorporali..m a gressu corporali 0 10 diriguntur] add. uiam GPm1 Rm1 13 sui itaque claudicasse ostendit 0 16 requies 0 17 agitatur 0 18 coneitationum scripsi cogitationum eodd. av 20 pr. pacem] add. meam GMmlO pacem meam do uobis om.G pacem meam do nobis, pacem meam relinquo uobis av 21 sient] quomodo GM 22 uere a 23 aomiRe GR alt. paeem] aid. meam GMOav 24 denique] add. et 0 26 animus P 27 corpus Mml titubauerit MO )

Et Moyses ait: transiens uidebo hoc uisum magnum. etenim ut deum uideret, progressione quadam uirtutis ad altiora processit. pastor erat ouium et dux factus est ciuium. et ad sponsam dicitur in Canticis: speciosi facti sunt gressus tui in calciamentis, filia Aminadab. moduli femorum tuorum similes torquibus opere artificis. non est dubium gressus hic quoque ecclesiae uel animae profectus significari: quam speciosi sunt pedes euangelizantium pacem, euangelizantium bona!

utique speciosos dicit euangelicae praedicationis et disputationis progressus, ut alibi dicitur: transgredere flumina. hoc est: fluentia et lubrica istius mundi transcurre stabili mentis incessu. quod de animae gressu dici in posterioribus hic ipse Dauid euidenter ostendit, adserens quod torrentem iniquitatum sua anima transisset.

Sed reuertamur ad sponsae gressus. quid sibi uult quod addidit in calciamentis speciosos gressus esse ecclesiae? legimus itaque dictum ad Moysen: solue calciamentum pedum tuorum, quo uidetur admonitus, ne corporalibus uinculis teneretur adstrictus. ergo speciosam significat in Canticis animae pulchritudinem, quae carne tamquam calciamento utitur et in ipso calciamento inpedimentum non patitur, sed incessus decore praecellit. calciat se ergo carne anima [ecclesiastica gratia].