Expositio Psalmi CXVIII

\'Samech\' incipit littera quinta decima, quae interpretationem habet \'audi\'. est et alia eius interpretatio quae dicitur \'firmamentum\'. quid est \'audi\'? non otiose dicitur quod commune est omnibus et suppetit uniuersis ipso iure naturae. et ideo non est otiosum, quod admoneris ut audias, cum etiam inuiti et aliud agentes sonum tamen aut uocem audire solemus. sed quia non est solum audire hoc quod suppetit officio naturae, sed etiam illud quod maius est, ut audias non usu tantum corporis quantum intellectu mentis, ideo diligentius considera istius litterae interpretationem seriemque uersuum qui secuntur.

Ut noueris autem mysticum esse audire, ut audias et intellegas mysteria, de Iudaeis scriptum est, quia mysteria legis audierunt, sed non intellexerunt. unde ait dominus: audi, populus meus, et loquar. lex utique spiritalis est; audi ergo spiritaliter. denique qui sciuit audire, ait: audiam quid loquatur in me deus, id est:

cognoscam quid locutus in me fuerit deus. ideoque alibi ait: quanta audiuimus et cognouimus ea, ut conprehenderet non solum audisse se, sed etiam intellexisse; nemo enim cognoscit nisi prius intellexerit. audi ergo, ne, si te uideat neglegentem, ueniat Petrus, arripiat gladium, abscidat auriculam tuam, quod superfluo habeas aurem corporis, qui audire et examinare non noueris. et fortasse uirtutem [*](14 ci Esai. 6,9. Matth. 13,13 15 Ps. 49, 7 16 Rom. 7,14 17 Ps- 84, 9 19 Ps. 77, 3 22 cf. Matth. 26, 51 ) [*]( 3 Samehc G Samech (Lamech O) littera decima quinta (tT. quinta decima Om2) incipit (om. a) Oa Incipit littera quinta decima samech P IncipitSamech v XYma A XV GMR. om.N decima quinta. 11 4 et om.B 6 ociosum est 0 7 ammoneris NOP 8 soleamus Nv sed] add. id APR 12 que G sequuntur ANav 14 est] add. aure audietis Ov 16 loquar] add. israel Rm2 est om.P 17 qui] add. se Oa quid] quae AB 18 loquetur MmlPml me] add. dominus Mav id est] idem Mml, aàd. ut GMNa iuerit in me O 20 se om.AR 22 ai te] rite AGPR uideat] uel adeat AR audiat GM uiderit 0 adeat P 23 abscindat MNv superflue NPRTa habens Ta corporis] add. sis Tm2a )

Meritoque hanc litteram \'firmamentum\' alii interpretati sunt, quod cum superiore interpretatione concurrit; nisi enim unusquisque audierit quid sequi debeat, nemo firmatur. in officio igitur audiendi omnium firmamentum est.