Explanatio Psalmorum XII

Ergo et si quis est redemptus de populo Iudaeorum, non ideo redemptus, quia multam habuit aestimationem sui nec quia multitudinem habuit in commutatione sua, sed redemptus est gratis, quod te docet apostolus dicens: reliquiae secundum electionem gratiae saluae factae sunt. ubi autem gratia, non utique merito operum nec iustificatione uirtutum, sed liberalitate donantis, electione redimentis.

quod aeque scriptura te docuit dicente apostolo Paulo: si autem gratia, iam non ex operibus; alioquin gratia iam non est grastia. quid ergo? quod quaerebat Israel, hoc non est consecutus. quare non sit consecutus agnosce: quia se iustificare cupiebat, quia operum suorum iactantiam requirebat, quia fidem non detulit nec gratiam recognouit. et ideo electio consecuta quae uocantem audiuit, aduenientcm suscepit.

Merito ergo in persona populi illius dicitur: posuisti nos in obprobrium uicinis nostris, inlusionem et derisum his qui sunt in circuitu nostro. qui sunt isti finitimi et quemadmodum ad uiciniam Israelitae populi pertinuisse uideantur, non est facile discernere. si spiritalis uicinia requiratur, abest quoddam lumen cognitionis ad inuestigandum mysterium Christi, praesertim cum in ipso libro Salomonis qui inscribitur Ecclesiastes didicerimus, quia, quo magis quaeritur sapientia, eo profundior iudicetur. sic enim scriptum est: dixit: [*]( 3 Ps. 31,1. Rom. 4, 7 9 Rom. 11,5 13 Rom. 11, 6-7, 10 cf. Rom. 11, 7 20 *Ps. 43, 14 28 *Eccle. 7, 24-25 ) [*]( 3 quorum — iniquitates om. a 4 peccata sunt Aa 5 propendit, s. scr. uel prae Cm2 propendet av 6 est om. BCml redemptus est pav de — 7 redemptus om. a, non suppl. Am2 13 apostolo om. B{l 14 gratia (post est) om. v 16 consequutus C 19 est consecuta BC consecuta est (iav 21 in om. a 22 hiis {J iis av in circuitu nostro sunt DF 23 uicinum BCml 24 uicina Bml 25 abest scripsi habet Bm2 habes Fm2 habena cet. av 26 misterium aD in om. F scribitur codd. v, correxit a 28 dixit B )