Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. stabat Fortunae non cedere certus et acri
  2. mole retorquebat crudescens caedibus hastas,
  3. iamque suo, iamque hostili perfusa cruore
  4. membra madent, cecidere iubae, gyroque per orbem
  5. artato Garamas iaculis propioribus instat
  6. †et librat saeua coniectum cuspide ferrum.
  7. hic puer ut patrio defixum corpore telum
  8. conspexit, maduere genae, subitoque trementem
  9. corripuit pallor, gemitumque ad sidera rupit.
  10. bis conatus erat praecurrere fata parentis
  11. conuersa in semet dextra, bis transtulit iras
  12. in Poenos Mauors. fertur per tela, per hostis
  13. intrepidus puer et Gradiuum passibus aequat.
  14. continuo cessere globi, latusque repente