Punica

Silius Italicus, Tiberius Catius

Silius Italicus. Corpus Poetarum Latinorum, Vol 2. Summers, Walter Coventry, editor. Postgate, John Percival, editor. London: G. Bell et Filiorum, 1905.

  1. nam quae, pro superi, Fabius iubet! ‘ocius arma
  2. exuite et capta descendite ab arce Sagunti.
  3. tum delecta manus scutorum incendat aceruos,
  4. uranturque rates, ac toto absistite ponto.’
  5. di, procul o, merita est numquam si talia plecti
  6. Carthago, prohibete nefas nostrique solutas
  7. ductoris seruate manus!’ ut deinde resedit,
  8. factaque censendi patrum de more potestas,
  9. hic Hannon reddi propere certamine rapta
  10. instat et auctorem uiolati foederis addit.
  11. tum uero attoniti, ceu templo inrumperet hostis,
  12. exiluere patres, Latioque id uerteret omen
  13. orauere deum. at postquam discordia sensit
  14. pectora et infidas ad Martem uergere mentes,
  15. non ultra patiens Fabius rexisse dolorem
  16. concilium propere exposcit, patribusque uocatis,
  17. bellum se gestare sinu pacemque profatus,
  18. quid sedeat, legere ambiguis neu fallere dictis
  19. imperat ac, saeuo neutrum renuente senatu,
  20. ceu clausas acies gremioque effunderet arma,